Car Reviews: Kia Optima 2017(7)

سعرها نوعا ما كان مقبول اخذتها ب ١١٦٠٠ ريال عماني
صرفية الوقود ممتازه زمان كنت امشي اعبي كل محطه للضمان بس هالسياره ريحتني كنت اعبي ٦٠ لتر امشي ٦٧٠ كيلو طبعا السرعه ١٣٠ طبعا مرات اذا امشي ع راحتي يزيد معي المسافه
كنت اعبي بنزين عادي وهذا الحلو فيها لان دايم اعبي عادي يمشي اكثر وحسب توصية الشركه اما لما اعبي ممتاز ما توصل هالمسافه
كان جيرها من ٦ سرعات والسياره تمشي مرتاحه مش زي زمان سياره ٤ غيار وتحس المكينه راكبه عدالك
عجبني تصميمها ومتانة الصنع بصراحه طير العقل
راحة فالمقاعد الاماميه والخلفيه
كانت واسعه مش ضيقه
صوت المحرك خفيف جدا كان اللي يمر جنبها يفكرها طافيه
تبريدها روعه وكانت ماتنقص ماء او زيت وبدون ليكات
انضمة القياده والمساعدات اللي فيها ممتازه جدا
قوة تحمل جباره دايمآ كنت امشي من الصفر باعلى دورات محرك وكانت تستجيب بشكل ممتاز
كنت احمل فيها كل شي واوزان كبيره ولا صار معي مشكله ابد
الانظمه الداخليه مريحه وسهله جدا
للعلم كنت احمل فيه ايس بكس مملوء بالاسماك فالمقعد الخلفي كنت اركب ايس بكس وزنه ١٦٠ لتر وفي الدبه كنت اركب ايس بكس ٨٠ لتر وكلهم اسماك وثلج ومعي عدة الصيد والمبيت والمياه
وامشي من صحار الى الشويميه وحاسك وارجع تخيل هالاوزان وكانت تتحمل بزياده وسرعتها ممتازه ما تعبت
يعني لو عندي بيكب ما كنت حملت هالكثر
كنت مرتاح ما اخاف على المنعطفات مرات اعطيها ريس زياده ولا تشوح لان انضمتها ممتازه ولاني كنت اركب اطارات بريدجستون الاصليه تمسك بالشارع ماتشوح مثل الباقيات وكذالك السياره ثابته لما تجي شاحنه مثلا معاكسه على خط صلاله ماتهتز بالريح مثل السيارات الخفيفه بالعكس يعني ثابته بمعنى الكلمه
مشيت فيها حوالي ٤٣٦ الف كيلو خلال ٧ سنوات

اكبر سلبيه تواجهنا ان سعر قطع الغيار في كيا نااار يعني قارنت الاسعار بين قطع الكيا وبين مرسيدس شفت مافي فرق للعلم
الشركه ذكيه تبيع لك سياره رخيصه لكن قطعها غالي
مره صار خلل في ABS على السنه الخامسه
وفكرته اخترب وفكيته مع البيت قلت اخذه للتصليح لما فكيت نزل زيت اسود وسخ يعني ورحت ادور حد يفحص الجهاز ويشوف الخلل وين ما لقيت رجعت وركبته وضفت زيت جديد اشتغل ورجع كل شي طبيعي يعني سبب كان الزيت القديم كان المفروض اغيره كل سنتين عالاقل استفسرت عن سعره لما فكرته اخترب قالو سعره بالوكاله ٨٠٠ ريال
ومره اخترب زر هاند بريك على السنه السابعه

مرخ اخترب معي حساس ضغط زيت المحرك وهذا سعره غالي بس نسيت كم وسبب العطل لان انا دائما ما ارحم السياره كنت ادوس ريس وعند المنعطفات او المطبات كنت ارجع غيار عن طريق الشفتر جير مع البريك ف هذا يولد ضغط عالي جدا للزيت خلى الزيت يمشي ف سلك الحساس ويطلع من الفيش

وبخصوص oil cooler ( مبرد زيت المحرك ) اخترب علي مرتين مره على السنه الرابعه ومره على السنه السابعه قبل بيع السياره وسعره جدا غالي بحدود ٩٠ ريال

يعني مبين عيبها الوحيد فقط مبرد الزيت

السياره اعتماديه واقتصاديه وممتازه خذ الكلام من شخص ذو خبره في مجال صيانة السيارات وجرب الكيا بشكل خاص ولا تاخذ من شخص مجرد انه يسمع وبس
كنت امشي قريدر سرعة ١٠٠ ولا قالت وش هناك بس تسمع صوت الحصى يطاير ??
على المنعطفات كانت ماتشوح لان انضمتها زينه بس لاتجرب الا اذا كنت تعرف تستخدم الشفتر يعني بالعاميه ( تعرف ترده غيار ) وكذالك اذا كنت مركب اطارات اصليه وخصوصا بريدجستون
السياره كانت لي انا المالك الاول ومشيت فيها هالمده كلها لولا الحاجه مابعتها
انصح فيها بصراحه عن تجربه بس تاكد انك لو خذيت مديل اجدد حاول تبعد عن محرك GDI
لا يغرك انه ما يصرف بنزين ترا بتتلوم وتندم انه خذيته الحين اكثرهن قام يجي هالمحرك
حاول تاخذ محرك DOHC تنفس كبيعي لا تاخذ توربو ابد نصيحه لوجه الله ما ينفك بتاتا
اول شي محرك GDI صوته اعلى شوي لان بحكم فيه مضخة وقود على المحرك للعلم لما تخترب هالمضخه سعرها غالي جدا ثاني سبب انه بتتورط المحرك بيتعب بعد زمن والسبب تجمع اوساخ كربون على البلوف ( الوالات) بتقول طيب انا استخدم منضف بالوقود بقولك هذاك يروح ينضف البستن فقط اما الوالات ما يتنضف لان البخاخ داخل مباشره على البستن مش على البلوف والثلاجه نفس المحركات العاديه يعني بتخسر فلوس بعدك عشان تنضف الثلاجه بالبلوف واعرف بنقاليه ما يسدهم شوي هذا اذا نضفو لك بشكل صحيح
والتوربو يخرب بعد زمن كذالك وخاصه انه صنع كوري اذا كان الماني ويخرب كيف عاد كوري تو الشركه وقفتهن لان اللي نزلتهن السنوات الماضيه قام يخربن ويرفعن حراره وندمو الناس عليهن وقامو يركبو مكاين مستبيشي

نصيحه من فني سيارات يا اخوان لاتركب زيت ( ايل ) 20w50 gوسخ زيت يخرب لك ويجمع وسخ بالمحرك كنه شحم ( قريز )

محرك موثوق
قيادة مرنة

نص فل

كانت مملوكة خارج البلاد
مريحة في القيادة

السيارة جميلة .....

انها سيارة حربية

رياضية و عائلية....

سعر مناسب
اداء رائع
شكل جميل

صوت محرك مرتفع قليلا

لا يوجد ملاحظات أخرى

سياره فخمه ومريحه

لا يوجد

لا يوجد

لا تحتاج إلى صيانة

لا يوجد سلبيات

‏Kia Optima Gt 2017


السيارة وارد و صيانة الشركة و مالك ثاني فقط و قطعت مسافة 150,000 كيلو متر فقط

محرك :
2400 سي سي
4 سلندر
بنزين

اللون : ابيض لؤلؤي من الداخل خمري

الاضافات : سقف بانوراما/ مقاعد جلد كهرباء مع ذاكرة تخزين / تدفئة و تبريد مقاعد امامية / تدفئة مقود/ تدفئة مقاعد خلفية / شاشة امامية كبيرة متعددة الخصائص / كاميرات 360 درجة / تحكم طارة/ مثبت سرعة / بصمة تشغيل و دخول/ اضوية امامية led / بخاخات اضوية امامية / فتحات مكيف خلفية/ جنط المنيوم / اضاءة نهارية Led / حساسات اصطفاف امامية و خلفية / مري تطوى كهربائيا / هاندبريك الكتروني / ستائر جانبية )

‏Paddle shifters تحكم بالغيارات من خلال المقود
‏Blind spot monitor حساس النقطة العمياء
‏Wireless charger شاحن لاسلكي
‏Harman kardon sound system نظام صوتي
‏Bluetooth بلوتوث
‏Voice Command داعم اوامر صوتي
‏Auto lights اضاءة ذاتية
‏Navigation maps نظام خرائط الملاحة

رائع هذا الموديل

لايوجد

ممتازة وجاهزة من جميع النواحي