Car Reviews: Volkswagen Passat 2007‏ (1)

الإيجابيات :
إذا كانت السيارة نظيفة ;
راحة في الأداء
موثوقة
تتحمل الطرق الوعرة
الصالة تتحمل
الثبات أثناء السرعة العالية
حتى لو فيها عطل بسيط تمشي بيك

السلبيات :
عيوبها بصفة عامة
السيرفز مكلف و غالي و ديمة تحتاجه
عيب الموديل هذا بالذات
الرشاشات
بومبة البنزين الكهربائية
و هذه غالية و ناقصة
عيوب كثرة الحساسات
العيب المهم
انها مش شعبية
و مافيش حد يفهم فيهم
حتى الورش يرفضو فيهم
عندهم ورش معينة في منطقة الرياضية.. طرابلس خاصة مركز الامتياز و البطشة

اكتسبتها أقل عامين
لكن الصراحة بهدلتني بجد
عيوبها غير معروفة
مش اي سطى يفهم فيها حتى لو كان متخصص في الألماني
عيوب الحساسات هلبة
و اقعد دور زعمك شن العيب اللي ممكن يكون
الكهرباء متاعها معقدة جدا

الخلاصة
لا انصح بها أي حد بصدق